,,Ekki hætta Eiður Smári''

Útvarpsmennirnir Rúnar Freyr Gíslason  og Jóhannes Haukur Jóhannesson hafa samið lag til heiðurs Eiðs Smára Guðjohnsen og biðla þeir félagar til leikmannsins að hætta við að leggja skóna á hilluna.

Lagið var frumflutt í þættinum Bakaríið á Bylgjunni í morgun en líklega er öll þjóðin sammála þeim félögum.

Eiður Smári sagði við íslenska fjölmiðla í viðtölum eftir landsleik Íslands og Króatíu í vikunni að hann hefði mögulega leikið sinn síðasta leik fyrir landsliðið.

Ísland komst alla leið í umspil um sæti á heimsmeistaramótinu í knattspyrnu en liðið féll úr leik gegn Króatíu eftir 2-0 tap í Zagreb í vikunni.

Hér að ofan má hlusta á lagið frá Rúnari og Jóhannesi frá því í morgun.