Erfiðar og ósanngjarnar hugsanir á meðgöngu

Kristín Guðmundsdóttir handboltakona fæddi fyrir tveimur og hálfu ári andvana tvíburadrengi en hún greindi frá því opinberlega til að vekja umræðu um missi á meðgöngu eða við fæðingu og bágri aðstöðu þeirra sem lenda í slíku.

Þegar baráttan stóð sem hæst fékk hún gleðifréttir, hún var orðin ólétt á ný, en meðgangan var eins og gefur að skilja enginn dans á rósum. Ísland í dag fékk að fylgja Kristínu á meðgöngu og eftir fæðingu og gerir sögu hennar skil í kvöld og á morgun.

Einnig verður rætt við aðra foreldra sem hafa gengið í gegnum samskonar lífsreynslu sem og fagaðila sem koma að málum sem þessum.