Framboðslisti Samfylkingarinnar ákveðinn með flokksvali

Fulltrúaráð Samfylkingarinnar kaus nú fyrir stundu um að framboðslisti flokksins til borgarstjórnarkosninga yrði ákveðinn með flokksvali.

Á fundinum voru lagðar fram tvær tillögur. Annars vegar tillaga Kjartans Valgarðssonar, formanns fulltrúaráðsins, um uppstillingu á lista og tillögu Arnars Guðmundssonar og fleiri um flokksval. Þar sem eingöngu flokksfélagar hafa kosningarétt.

Flokksvalið varð fyrir valinu með 62 atkvæðum gegn 58. Tæplega 30 manns voru á mælendaskrá og mynduðust miklar umræður á fundinum, sem dróst á langinn.