Hrafn stríðir erni

Á myndbandi sem birtist í gærkvöldi á síðunni Búðardalur.is sést hvernig hrafn stríddi öðrum fugli síðastliðinn sunnudag. Fuglinn sem varð fyrir stríðninni er þó töluvert stærri en hrafninn, því þar var örn á ferð, konungur íslenskra fugla.

Myndbandið var tekið upp í landi Spágilsstaða í Laxárdal. Á síðunni segir að töluvert hafi sést til arna á þessum slóðum í sumar en aðalheimkynni arnarins eru við Breiðafjörðinn.

Eftir að hafa mátt þola stríðni hrafnsins um stund gafst örninn upp og flaug í áttina að Hvammsfirði. Kindurnar létu það þó ekki á sig fá að þessi stóri fugli skyldi fljúga yfir bökin á þeim.