Ríkissjóður afskrifar bótakröfu vegna fjárdráttar

Ríkissjóður hefur afskrifað 46,7 milljón króna bótakröfu á hendur fyrrverandi starfsmanni sendiráðs Íslands í Vín. Starfsmaðurinn, kona á þrítugsaldri, var dæmd í tveggja ára fangelsi fyrir fjárdrátt.

Málið komst upp í október árið 2009 en konan játaði brotið fyrir dómi. Hún var dæmd í tveggja ára fangelsi árið 2011 en þar af voru 22 mánuðir skilorðsbundnir.

Fram í kemur í greinargerð með fjáraukalagafrumvarpi ríkisstjórnarinnar að árangurslaust fjárnám hafi farið fram hjá konunni og talið að frekari innheimtuaðgerðir muni ekki skila árangri. Krafan, 46,7 milljónir, hefur því verið afskrifuð í bókum ríkisins.