Íslenskir feður kaupa vændi fyrir syni sína

Í kvöldfréttum Stöðvar 2 verður rætt við konu á miðjum aldri sem fór að stunda vændi fyrir nokkrum árum. Hún er nú hætt og segist aldrei ætla að selja líkama sinn aftur.

Í áhrifaríku viðtali við Jón Júlíus Karlsson fréttamann, sem hefur verið að skoða vændi á Íslandi síðustu daga, lýsir konan heimi vændiskonunnar.

Hún segir meðal annars að karlmenn úr öllum stigum þjóðfélagsins kaupi sér vændi og fjölmörg dæmi séu um að feður kaupi vændi fyrir syni sína. „Þeim finnst það vera sniðug sextán ára afmælisgjöf.“

Viðtalið má sjá í Kvöldfréttum Stöðvar 2 og lengri útgáfu í Íslandi í dag - strax að loknum fréttum.