Sjálfstæðisflokkur og Framsókn gætu myndað meirihluta í Kópavogi

Sjálfstæðismenn og framsóknarmenn héldu meirihluta í Kópavogi, ef kosið yrði núna, þótt Y-listinn, samstarfslokkur þeirra í dag, tapi sínum manni. Þetta kemur fram í skoðanakönnun, sem Morgunblaðið lét gera. Fylgi við Sjálfstæðisflokkinn eykst verulega frá kosningunum og myndi hann bæta við sig manni, Framsóknarflokkurinn héldi sínum manni, en Y- listinn tapar fylgi og bæjarfulltrúa sínum yfir til Sjálfstæðisflokksins.

Skipt var um meirihluta í bæjarstjórn Kópavogs í ársbyrjun 2012, en fyrrverandi meirihlutaflokkar koma ekki vel út úr könnuninni. Samfylkingin myndi til að mynda tapa um helmingi atkvæða sinna frá kosningum og missa einn mann.