Hæstiréttur þyngir dóm yfir manni sem braut gegn dótturdóttur sinni

Hæstiréttur þyngdi í dag dóm yfir karlmanni sem braut kynferðislega gegn ungri dótturdóttur sinni. Hann var dæmdur í 18 mánaða fangelsi í Héraðsdómi Austurlands í mars síðastliðnum en Hæstiréttur dæmdi manninn í tveggja ára fangelsi.

Maðurinn var dæmdur fyrir að hafa í tvö skipti á heimili sínu þar sem stúlkan var gestkomandi nuddað kynfæri hennar innanklæða þar sem hún lá á dýnu í svefnherbergi. Hann var einnig dæmdur fyrir að hafa nuddað kynfæri stúlkunnar og haft við hana munnmök í tjaldi þar sem fjölskyldan var í ferðlagi. Stúlkan var um 9 ára gömul þegar brotin áttu sér stað.

Manninum var gert að greiða stúlkunni 800 þúsund krónur í miskabætur.