Ég hef prófað að vera lesbía

Brandi Glanville og Carlton Gebbia eru báðar stjörnur í raunveruleikaþættinum Real Housewives of Beverly Hills.

Í stiklu fyrir þáttinn er það gefið í skyn að stöllurnar fari í sleik í þættinum en Brandi blæs á þann misskilning á bloggsíðu sinni.

„Ég elska fallegar konur, eins og ég hef áður sagt, og Carlton er ein af þeim. Við erum hins vegar ekki lesbíur. Ég hef reynt að vera lesbía en það hentaði mér ekki. Ég get ekki talað fyrir Carlton því ég veit ekki hvað hún hefur gengið í gegnum,“ skrifar Brandi.

Brandi hefur verið mikið í sviðsljósinu síðustu misseri en hún er fyrrverandi eiginkona leikarans Eddie Cibrian sem nú er kvæntur söngkonunni LeAnn Rimes.