Mikil rigning og afleitt skyggni þegar slysið varð

Kona um þrítugt liggur alvarlega slösuð á gjörgæsludeild Landsspítalans eftir að hafa orðið fyrir bíl á Reykjanesbraut, skammt frá Stekk í Reykjanesbæ í gærkvöldi.

Íbúar í grennd við slysstað hafa lengi óttast að slys gæti orðið með þessum hætti á þessum stað. Konan var flutt á slysadeildina með sjúkrabíl, gekkst strax undir aðgerð og er nú haldið sofandi í öndunarvél.

Að sögn vakthafandi læknis er hún mikið slösuð, eða með svonefnda fjöláverka. Slysið varð um sjö leitið í gærkvöldi, í rigningu, myrkri og afleiltu skyggni. Konan virðist ætla að hafa ganga yfir brautina og gengið í veg fyrir bílinn. Að sögn vitnis að slysinu, sem hafði samband við fréttastofuna var mikil rigning, myrkur og afleitt skyggni þegar slysið varð.

Vitnið segir jafnframt að ökumaðurinn hafi brugðist hárrétt við eftir slysið, hlúð strax að konunni og verið í stöðugu sambandi við Neyðarlínuna og þegið þaðan ráðleggingar, þar til sjúkraflutningamenn komu á vettvang.

Lögreglan staðfestir þetta og segir að ökumanninum hafi verið mjög brugðið. Ekkert hafi hinsvegar verið athugavert við hann eða bílinn, en nánari tildrög slyssins eru enn í rannsókn.

Íbúi í grennd við slysstað segir að fólk þar í hverfinu hafi lengi óttast að þarna gæti orðið slys, því talsvert er um að fólk fari þarna yfir brautina til að fara í verslanir,  eða að ná ser í far á puttanum , en þarna sé engin gangbraut enda vegurinn hraðbraut.

Aðeins bú eða undirgöng geti leyst þennan vanda.