Íslendingar segja nýjan seðil skipta litlu

Í niðurstöðum viðhorfskönnunar Capacent kemur fram að 66,5% svarenda telji hinn nýja 10.000 króna seðil ekki skipta neinu máli. 25,6% svarenda segja hann skipta litlu máli, 6,1% svarenda segja hann skipta nokkru máli og 1,8% segja hann skipta miklu máli.

Þetta kom fram á fundi Landsbankans í morgun þar sem umræðuefnið var framtíð reiðufjár. Ása Karín Hólm frá Capacent kynnti niðurstöðurnar á fundinum og sagt er frá þessu á vef Viðskiptablaðsins í dag.

Á fundinum sagði Ása að konur væru mun hlynntari notkun reiðufjár en karlar. Þó sýndu niðurstöðurnar að slík notkun hefur minnkað mikið og mun halda áfram að minnka.

Einnig tók Kjetil Staalesen, sérfræðingur hjá samtökum norskra fjármálafyrirtækja, en hann sagði að fólk ætti enn eftir að átta sig á því hve litlu máli reiðufé skipti. Að enn myndi draga úr notkun þess.

VB segir frá því að hann hafi áður lagt til að stærsti peningaseðillinn verði tekinn úr notkun og að sérstakt gjald verði lagt á notkun á reiðufé.