Meint ástarsamband meðlima One Direction

Aðdáendur breska strákabandsins One Direction dreymir suma hverja um að Harry Styles, forsprakki sveitarinnar, og Louis Tomlinson séu par.

Drengirnir tveir eru bestu vinir og eru kallaðir Larry Stylinson.

Sumir aðdáendur hafa gengið lengra en aðrir, samið sögur, teiknað myndir og búið til myndbönd um meint leynilegt ástarsamband þeirra tveggja.

Louis Tomlinson á þó kærustu sem heitir Eleanor Calder - en margir aðdáendur sveitarinnar trúa því að Eleanor sé yfirskin drengjanna í hljómsveitinni, svo þeir þurfi ekki að opinbera samband sitt.

Sjón er sögu ríkari.