Fræga fólkið tjáir sig í myndbandi

Bandaríska rokkhljómsveitin 30 Seconds To Mars hefur gefið út nýtt og glæsilegt kynningarmyndband fyrir lagið City Of Angels, sem er annað smáskífulagið sem kemur út af fjórðu plötu sveitarinnar, Love Lust Faith + Dreams.

Í myndbandinu koma fram þekktir einstaklingar eins og Kanye West, Selena Gomez og James Franco, ásamt ýmsum fleiri þekktum einstaklingum sem tjá álit sitt á borg englanna.

Myndbandinu er leikstýrt af hæfileikaríka söngvara og gítaraleikara sveitarinnr Jared Leto. Leto er einnig þekktur leikari og vakti mikla athygli fyrir leik sinn í kvikmyndum á borð við Requiem For A Dream, American Psycho og Chapter 27.