Barnalán í Íslandi í dag

„Það er mjög mikil gleði, sérstaklega þar sem þetta er fyrsta barn. Allt svo nýtt og spennandi. Þetta verður ekki bara nýtt fyrir okkur heldur líka fyrir tengdaforeldra mína sem eru rétt rúmlega fertug og fá fyrsta barnabarnið," segir Ásgeir Erlendsson einn af stjórnendum sjónvarpsþáttarins Ísland í dag en hann og unnusta hans Sara Rakel Hinriksdóttir eiga von á frumburðinum næsta vor.

Allir sem stjórnuðu þættinum Ísland í dag í upphafi árs eru búnir að eignast börn á mjög skömmum tíma. Sigríður Elva Vilhjálmsdóttir og Sigrún Ósk Kristjánsdóttir eignuðust börn fyrr á þessu ári og Sindri Sindrason varð pabbi á síðasta ári.

 

„Þannig að það lá greinilega í loftinu að ég yrði næstur," segir Ásgeir sem verður pabbi næsta vor.