Þrjár ungar konur kærðar fyrir líkamsárás

Fyrirtaka fer fram í máli þriggja ungra kvenna um tvítugt í Héraðsdómi Reykjavíkur í dag fyrir líkamsárás, hótanir og rán í október 2010. Þær eru kærðar fyrir að hafa í sameiningu veist að annarri konu og hótað henni líkamsmeiðingum ef hún myndi kæra atvikið til lögreglu.

Þær ógnuðu henni með hnífi og skipuðu henni að afhenda sér debetkortið sitt. Að auki þá þvinguðu þær hana til að gefa upp pin númer kortsins og til að fara með sér í hraðbanka Íslandsbanka við Fjarðargötu í Hafnarfirði. 25 þúsund krónur voru teknar út af reikningi konunnar. Fórnarlambið hlaut stórt mar ofan við vinstri augabrún, hrufl og bólgu neðan við hægra auga, bólgu á kinnum og vörum og roða yfir hnéskel.

Karlmaður um tvítugt er einnig kærður fyrir hylmingu en hann ók kærðu í harðbanka Íslandsbanka í Hafnarfirði og þar með tekið þátt í því að taka út af reikningi fórnarlambsins. Hann hafi þannig stuðlað að því að halda við ólöglegum afleiðingum brotsins og aðstoðað ákæru.

Farið er fram á 1,5 milljónir króna í bætur.