Fleirum líkar við Hugleik en lögregluna

Listamaðurinn og skopteiknarinn Hugleikur Dagsson er kominn með fleiri „læk“ á Facebook en lögreglan á höfuðborgarsvæðinu. Hugleikur segir á síðunni sinni að lögreglan hafi verið verðugur andstæðingur og spyr hvern hann eigi nú að toppa næst.

„Þetta er ekki búið,“ er svar lögreglunnar við þessari stöðuuppfærslu Hugleiks.

Fleiri skrifa við uppfærslu Hugleiks og benda honum á hverja hann gæti reynt að toppa. Ein nefnir til dæmis Jón Gnarr. Þegar þetta er skrifað er Hugleikur með um 300 fleiri aðdáendur en lögreglan.