Malbikað í Ártúnsbrekku

Unnið verður að því að taka niður víravegrið frá Hamragilsvegi og fram yfir slaufu við Þorlákshafnarveg (Þrengsli) í dag. Vegna þessa verður þrenging á annarri akrein að austan í átt til Reykjavíkur. Undirbúningur fyrir malbikun er í gangi en að því loknu verða vegriðin sett upp aftur.

Þá verður unnið við malbikun í Ártúnsbrekku og Miklubraut, til vesturs milli Réttarholtsvegar og Háleitisbrautar - á einni akrein í einu.

Vegna vinnu við vegfláa á Reykjanesbraut við Vogagatnamót verður vinstri akrein á leið til Reykjavíkur lokuð í dag. Hámarkshraði á vinnusvæðinu verður 50 kílómetrar á klukkustund.

Vegfarendur eru beðnir um  að sýna tillitsemi og virða merkingar verktaka.