Íbúar á Víðimel lokaðir inni í götunni í kjölfar breytinga á Hofsvallagötu Hanna Rún Sverrisdóttir skrifar 16. ágúst 2013 14:10 Hér má sjá umferðarteppu á Hofsvallagötu eftir breytingarnar á henni. mynd/Kristinn Fannar Pálsson/365 „Fólkið á Víðimel er lokað inni í götunni sinni og það kemst ekki út á Hofsvallagötu á morgnana eða seinnipart dags,“ segir Kristinn Fannar Pálsson íbúi við Hagamel við Hofsvallagötu. Nú þegar fólk er að koma úr sumarfríum er augljóst að umferðin er að aukast. „Það hefur verið mikil umferðaraukning strax í þessari viku eins og sést á myndinni sem ég tók,“ segir Kristinn. Kristinn og aðrir íbúar telja að ástandið eigi bara eftir að versna þegar líður á haustið. Friðrik Ármann Guðmundsson er verslunarmaður í Melabúð við Hofsvallagötu. Hann segir að sitt sýnist hverjum um þessa framkvæmd. Það sé galli á framkvæmdinni að ekki hafi verið haft samráð við íbúa við götuna eða í hverfinu í kring. Friðrik telur að framkvæmdin sem slík eigi líklega alveg rétt á sér og þetta sé frekar spurning um útfærslu. Friðrik hefur áhyggjur af því hvernig þetta verður í vetur, í hálku og snjó. „Hvernig verður með snjóruðning og annað spyr ég, ég tel að það sé töluverð slysahætta sem skapast í kringum slíkt eins og gatan er í dag.“ „Menn mér fróðari, hafa bent á að það gætu skapast ýmis vandamál í vetrarríki. Sérstaklega þar sem að hingað til hafa verið tvær akreinar í sömu átt. Þar sem annars vegar var hægt að beygja til austurs inn Hringbrautina frá Hofsvallagötu og hins vegar til vesturs eða halda áfram norður Hofsvallagötuna.“ Nú er þarna ein akrein sem skapar umferðartappa á Hofsvallagötunni og Friðrik bendir á það sé sérstaklega erfitt fyrir íbúa við Víðimel að komast inn á Hofsvallagötu. „Það virðist ekki vera nein hugsun á bak við þetta hjá þeim sem setur endapunktinn við þessa framkvæmd. Þetta er meira eins og teikniborðshugmynd en eitthvað sem ætti að framkvæma í raunveruleikanum,“ segir Friðrik.Vilja götuna í fyrra horf – Nokkur hundruð hafa mótmælt Íbúar við Hofsvallagötu og melana í þar kring vilja að Hofsvallagötu verði breytt í fyrra horf eða að minnsta kosti að umferðargatan verði lagfærð frá því sem nú er. Kristinn Fannar segir að lengi hafi legið fyrir að vilji íbúa stæði til þess að gera breytingar á götunni. En það fari mikið fyrir brjóstið á íbúum að ákvörðunin hafi ekki verið tekin í samráði við þá né hafi verið leitað til þeirra eftir tillögum. Hofsvallagata sé sérstök að því leyti til að á henni er heilmikið rými fyrir gangandi, hjólandi og akandi umferð. Kristinn og aðrir íbúar telja að útfæra verði þessar hugmyndir mun betur. Af því tilefni sendu nokkrir íbúar bréf til Gísla Marteins Baldurssonar, formanns Hverfisráðs Vesturbæjar. Í bréfinu koma fram mótmæli íbúanna vegna breytinganna sem þó séu að einhverju leyti í samræmi við hugmyndir sem settar voru fram á íbúafundi sem haldinn var í október 2011. Íbúarnir gagnrýna að að breytingarnar hafa verið illa kynntar fyrir bæði íbúum og öðrum hagsmunaaðilum við götuna. Meðal þess sem kemur fram í bréfinu er að aðgengi að Melabúðinni hafi verið gert verra, aðgengi íbúa að heimilum sínum austan Hofsvallagötu hafi versnað mikið og mikill skortur sér á bílastæðum við Hofsvallagötu. Íbúarnir stinga upp á tillögum að úrbótum í bréfinu og skrifuðu 41 íbúi undir bréfið. Málið var tekið fyrir á fundi Borgarráðs og var ákveðið að fundað yrði með íbúum eins og fram kom í frétt Vísis. Eftir að bréfið var sent hafa safnast nokkur hundruð undirskriftir fólks sem mótmælir þessum breytingum. Sá undirskriftarlisti var lagður fram í Melabúðinni af íbúum við Víðimel. Mest lesið Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ferðamannastaðir Færeyja lokaðir vegna viðhalds Erlent Tillagan „langt frá“ grundvallarkröfum Ísraela Erlent Kveðst ekki svindla á neinum með happdrætti sínu Innlent Bein útsending: Starliner ber geimfara til geimstöðvarinnar Erlent Alþjóðanemar neyðist til að vinna svart á Íslandi Innlent Sanngirnisbótafrumvarpið sé blekking Innlent Skjálfti fannst vel á höfuðborgarsvæðinu Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira
„Fólkið á Víðimel er lokað inni í götunni sinni og það kemst ekki út á Hofsvallagötu á morgnana eða seinnipart dags,“ segir Kristinn Fannar Pálsson íbúi við Hagamel við Hofsvallagötu. Nú þegar fólk er að koma úr sumarfríum er augljóst að umferðin er að aukast. „Það hefur verið mikil umferðaraukning strax í þessari viku eins og sést á myndinni sem ég tók,“ segir Kristinn. Kristinn og aðrir íbúar telja að ástandið eigi bara eftir að versna þegar líður á haustið. Friðrik Ármann Guðmundsson er verslunarmaður í Melabúð við Hofsvallagötu. Hann segir að sitt sýnist hverjum um þessa framkvæmd. Það sé galli á framkvæmdinni að ekki hafi verið haft samráð við íbúa við götuna eða í hverfinu í kring. Friðrik telur að framkvæmdin sem slík eigi líklega alveg rétt á sér og þetta sé frekar spurning um útfærslu. Friðrik hefur áhyggjur af því hvernig þetta verður í vetur, í hálku og snjó. „Hvernig verður með snjóruðning og annað spyr ég, ég tel að það sé töluverð slysahætta sem skapast í kringum slíkt eins og gatan er í dag.“ „Menn mér fróðari, hafa bent á að það gætu skapast ýmis vandamál í vetrarríki. Sérstaklega þar sem að hingað til hafa verið tvær akreinar í sömu átt. Þar sem annars vegar var hægt að beygja til austurs inn Hringbrautina frá Hofsvallagötu og hins vegar til vesturs eða halda áfram norður Hofsvallagötuna.“ Nú er þarna ein akrein sem skapar umferðartappa á Hofsvallagötunni og Friðrik bendir á það sé sérstaklega erfitt fyrir íbúa við Víðimel að komast inn á Hofsvallagötu. „Það virðist ekki vera nein hugsun á bak við þetta hjá þeim sem setur endapunktinn við þessa framkvæmd. Þetta er meira eins og teikniborðshugmynd en eitthvað sem ætti að framkvæma í raunveruleikanum,“ segir Friðrik.Vilja götuna í fyrra horf – Nokkur hundruð hafa mótmælt Íbúar við Hofsvallagötu og melana í þar kring vilja að Hofsvallagötu verði breytt í fyrra horf eða að minnsta kosti að umferðargatan verði lagfærð frá því sem nú er. Kristinn Fannar segir að lengi hafi legið fyrir að vilji íbúa stæði til þess að gera breytingar á götunni. En það fari mikið fyrir brjóstið á íbúum að ákvörðunin hafi ekki verið tekin í samráði við þá né hafi verið leitað til þeirra eftir tillögum. Hofsvallagata sé sérstök að því leyti til að á henni er heilmikið rými fyrir gangandi, hjólandi og akandi umferð. Kristinn og aðrir íbúar telja að útfæra verði þessar hugmyndir mun betur. Af því tilefni sendu nokkrir íbúar bréf til Gísla Marteins Baldurssonar, formanns Hverfisráðs Vesturbæjar. Í bréfinu koma fram mótmæli íbúanna vegna breytinganna sem þó séu að einhverju leyti í samræmi við hugmyndir sem settar voru fram á íbúafundi sem haldinn var í október 2011. Íbúarnir gagnrýna að að breytingarnar hafa verið illa kynntar fyrir bæði íbúum og öðrum hagsmunaaðilum við götuna. Meðal þess sem kemur fram í bréfinu er að aðgengi að Melabúðinni hafi verið gert verra, aðgengi íbúa að heimilum sínum austan Hofsvallagötu hafi versnað mikið og mikill skortur sér á bílastæðum við Hofsvallagötu. Íbúarnir stinga upp á tillögum að úrbótum í bréfinu og skrifuðu 41 íbúi undir bréfið. Málið var tekið fyrir á fundi Borgarráðs og var ákveðið að fundað yrði með íbúum eins og fram kom í frétt Vísis. Eftir að bréfið var sent hafa safnast nokkur hundruð undirskriftir fólks sem mótmælir þessum breytingum. Sá undirskriftarlisti var lagður fram í Melabúðinni af íbúum við Víðimel.
Mest lesið Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ferðamannastaðir Færeyja lokaðir vegna viðhalds Erlent Tillagan „langt frá“ grundvallarkröfum Ísraela Erlent Kveðst ekki svindla á neinum með happdrætti sínu Innlent Bein útsending: Starliner ber geimfara til geimstöðvarinnar Erlent Alþjóðanemar neyðist til að vinna svart á Íslandi Innlent Sanngirnisbótafrumvarpið sé blekking Innlent Skjálfti fannst vel á höfuðborgarsvæðinu Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira