Stórglæsileg á rauða dreglinum eftir meðferð

Leikkonan Catherine Zeta-Jones var stórglæsileg á frumsýningu myndarinnar Red 2 í Kaliforníu í vikunni í blúndukjól frá Maria Lucia Hohan.

Þetta er í fyrsta sinn sem leikkonan mætir á rauða dregilinn eftir að hún lauk þrjátíu daga meðferð við geðhvarfasýki en hún sagði fyrst frá því að hún væri haldin geðsjúkdómnum árið 2011.

Eiginmaður Catherine, leikarinn Michael Douglas, var hvergi sjáanlegur á frumsýningunni en hann tjáði sig um veikindi konu sinnar á kvikmyndahátíðinni í Cannes í maí.

“Hún stendur sig vel í að ná jafnvægi. Ég er stoltur af henni.”

Dragðu Tarotspil dagsins hér.