Kristen Stewart ranglega orðuð við Pitt

Leikkona Kristen Stewart er ranglega orðuð við leikarann Michael Pitt, en sjónvarpsáhorfendur þekkja hann úr þáttunum Boardwalk Empire, í nýrri grein tímaritsins The Sun.

Stewart og Pitt hittust á sýningu tískuhússins Chanel á tískuvikunni í París fyrr í mánuðinum og voru meðal annars mynduð saman á viðburðinum.

"Kristen er ekki búin að jafna sig fullkomlega á sambandsslitunum við Rob, en Michael hjálpar til við það. Hún hafði heitið sér því að vera laus og liðug í sumar en þegar hún hitti Michael varð hún strax hrifin. Hvorugt þolir sviðsljósið og bæði eru þau bókhneigð," hafði tímaritið eftir ónefndum heimildarmanni.

Pitt hefur þó lengi verið í sambandi með fyrirsætunni Jaimie Bochert og vill svo til að sú var einnig stödd sýningu Chanel og mynduð við hlið kærasta síns.