Keyptu barnaföt fyrir 3 milljónir

Nýbökuðu foreldrarnir Kim Kardashian og Kanye West keyptu hátískufatnað á dóttur sína North fyrir 25 þúsund dollara, rúmar þrjár milljónir króna, áður en hún kom í heiminn.

North fæddist fimm vikum fyrir tímann og því passar hún ekki í allan þennan fína ungbarnafatnað enn.

“Hún er svo lítil að hún getur ekki klæðst þessum fötum enn. Hún klæðist núna bara hefðbundnum samfellum og ælir á allt,” segir vinur parsins í samtali við Us Weekly.

“Kanye eyddi að minnsta kosti þúsund dollurum í Lanvin og Kim eyddi tvisvar sinnum það í Hermes. Hún keypti bókstaflega allt sem Hermes selur fyrir ungabörn,” bætir vinurinn við.

Dragðu Tarotspil dagsins hér.