Tryggvi hættur hjá Fylki

Tryggvi Guðmundsson er ekki lengur leikmaður Fylkis en aðilar komust að samkomulagi um að rifta samningi hans við félagið í dag.

Þetta kom fram í stuttri yfirlýsingu sem knattspyrnudeild Fylkis sendi frá sér í kvöld. Tryggvi var síðast í gær í byrjunarliði Fylkis sem tapaði fyrir Stjörnunni, 3-2, í fjórðungsúrslitum bikarkeppninnar.

Opnað verður fyrir félagaskipti þann 15. júlí næstkomandi og verður Tryggva þá frjálst að finna sér nýtt félag.

Tryggvi á langan feril að baki og er markahæsti leikmaður efstu deildar karla frá upphafi hér á landi. Hann kom til Fylkis frá ÍBV fyrir tímabilið en hefur einnig FH, KR, Tromsö, Stabæk, Örgryte og Stoke.

Hann skoraði tvö mörk í tólf leikjum í deild og bikar fyrir Fylki í sumar.

Sjá einnig: Viðtal við Ásgeir Ásgeirsson

Sjá einnig: Viðtal við Tryggva Guðmundsson

Yfirlýsingin í heild sinni:

„Knattspyrnudeild Fylkis og Tryggvi Guðmundsson hafa komist samkomulagi um að rifta samning hans við félagið.

Knattspyrnudeild Fylkis þakkar Tryggva fyrir hans framlag fyrir klúbbinn og óskar honum velfarnaðar í komandi verkefnum. Tryggvi þakkar einnig Fylki fyrir samstarfið og vonar að félagið muni rétta úr kútnum það sem eftir er að tímabilinu.

Fyrir hönd Knattspyrnudeildar Fylkis

Ásgeir Ásgeirsson Formaður“