Heimir nær enn til okkar

Björn Daníel Sverrisson var hetja FH er hann tryggði sínum mönnum 2-1 sigur á Fylki í Pepsi-deildinni í kvöld.

FH tapaði fyrir Stjörnunni í bikarkeppninni í síðustu viku en eftir leikinn tók Heimir Guðjónsson, þjálfari liðsins, tapið á sig og sagðist ekki hafa náð til leikmanna.

„Hann náði til okkar og hann nær alltaf til okkar. Við höfum ekkert rætt þessi ummæli hans innan hópsins. Við værum mjög vitlausir ef við myndum hætta að hlusta á hann núna eftir að hann hefur skilað Íslandsmeistaratitlum og bikarmeistaratitli til félagsins,“ sagði Björn við Vísi eftir leikinn.

Hér má lesa umfjöllun og viðtöl úr leiknum í kvöld.