Björgólfur Takefusa á förum frá Val

Svo virðist sem Björgólfur Takefusa sé á förum frá knattspyrnuliðinu Val en samkvæmt heimildum vefsíðunnar Fótbolta.net  mun leikmaðurinn hafa tilkynnt Magnúsi Gylfasyni, þjálfara liðsins, að hann vilji fara frá liðinu þann 15. júlí.

Björgólfur Takefusa var ekki í leikmannahópi Vals gegn Blikum á mánudagskvöldið en Magnús Gylfason sagði í viðtölum eftir leik að leikmaðurinn hefði brotið agareglur liðsins.

Valur tapaði sínum fyrsta leik á tímabilinu gegn Breiðablik á mánudaginn og situr nú í fimmta sæti deildarinnar með 15 stig.