Aðeins eitt tilboð í vegalagfæringar

Þrátt fyrir mikla erfiðleika og verkefnaskort í verktakageiranum barst Vegagerðinni aðeins eitt tilboð í að lagfæra veginn yfir Þverárfjall fyrir norðan.

Borgarverk bauð rúmar 62 milljónir króna í verkið, sem er 96,6 prósent af kostnaðaráætlun Vegagerðarinnar.  Í útboðum Vegagerðarinnar að undanförnu hafa tilboðin verið býsna nálægt kostnaðaráætlun, en síðast þegar kreppti að hjá verktökum bárust tilboð niður úr öllu valdi, eða allt niður undir helming af kostnaðaráætlun.