Innlent

Íbúum fjölgaði um rúmlega 1000

Jón Hákon Halldórsson skrifar

Íbúum að Íslandi fjölgaði um 1040 á fyrsta ársfjórðungi. Á ársfjórðungnum fæddust 1040 börn en 550 einstaklingar létust. Þá fluttu 520 til landsins umfram brottflutta. Alls bjuggu 322.930 manns á Íslandi í lok áratugarins, 161.960 karlar og 160.970 konur. Landsmönnum fjölgaði um 1.040 á ársfjórðungnum. Erlendir ríkisborgarar voru 21.910 og á höfuðborgarsvæðinu bjuggu 206.650 manns.

Noregur var helsti áfangastaður brottfluttra íslenskra ríkisborgara en þangað fluttust 220 manns á 1. ársfjórðungi. Til Danmerkur, Noregs og Svíþjóðar fluttust 400 íslenskir ríkisborgarar af 580 alls. Af þeim 400 erlendu ríkisborgurum sem fluttust frá landinu fóru flestir til Póllands, 80 manns.

Flestir aðfluttir íslenskir ríkisborgarar komu frá Danmörku, Noregi og Svíþjóð, samtals 440 manns af 610. Pólland var upprunaland flestra erlendra ríkisborgara en þaðan fluttust 300 til landsins af alls 890 erlendum innflytjendum. Bandaríkin komu næst, en þaðan fluttust 50 erlendir ríkisborgarar til landsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.