Keikur þrátt fyrir frestun á handaaðgerð

Útlit er fyrir að Guðmundur Felix Grétarsson fari ekki á biðlista eftir höndum fyrr en í september en upphaflega var áætlað að hann færi á listann í næsta mánuði.

Þá fékk Guðmundur einnig þær fréttir í vikunni að sjúkrahúsið sem átti að sjá um endurhæfinguna að lokinni aðgerð treystir sér ekki í svo stórt verkefni.

Guðmundur segist eiga fyrir aðgerðinni og hluta endurhæfingarinnar en hann áætlar að leita til velferðarráðherra eftir aðstoð. Þrátt fyrir þetta segist Guðmundur keikur, hann hefur nú verið að leita sér að íbúð í Lyon, en læknateymið franska vill fá hann út fyrr en áætlað var til að hann nái góðum tökum á frönskunni fyrir aðgerð.

Rætt var við Guðmund Felix í hádegisfréttum á Bylgjunni.

Fréttirnar má nálgast á útvarpsvef Vísis um eittleytið í dag.