Festi vörubíl í Hvalfjarðargöngunum

Óskað var aðstoðar lögreglu vegna vörubifreiðar með allt of háan farm að reyna troða sér í gegnum Hvalfjarðargöng.

Þarna var á ferðinni bifreið með beltabor á pallinum. Bóma borsins stóð svo hátt að ökumaður komst ekki útúr göngunum fyrr en vélamaður kom og lagfærði hana.

Ökumaður hafði þá rekið bómuna utan í tvær slár og einn bita.

Óvíst er með hvort tjón hafi hlotist af eða hversu mikið það var. Í dagbók lögreglu segir að það sé allt of algengt að ökumenn flutningatækja gæti ekki að hæðartakmörkunum í göngunum og hefur alloft hlotist tjón af.