Balti fær yfir 60 milljónir fyrir leikstjórn á 2 Guns

Baltasar Kormákur fékk 500 þúsund dollara, sem eru rétt rúmar 59 milljónir íslenskra króna, fyrir leikstjórn á Contraband. Fékk leikstjórinn enn hærri laun fyrir nýjustu mynd sína 2 Guns. Þetta kemur fram á vefsíðunni Hollywood Reporter.

Jafnframt kemur fram í viðtalinu að Baltasar hafi tekið við leikstjórnartaumum 2 Guns eftir að David O. Russell, sem var að þróa hugmyndina að 2 Guns ásamt Mark Wahlberg, lenti saman við aðalleikarann og hætti störfum við myndina. Baltasar breytti aðeins um stefnu þegar hann tók við. Vildi hann, í staðinn fyrir að fá leikara eins og Vince Vaughn eða Owen Wilson, til að leika á móti Wahlberg fá Denzel Washington, alvarlegan leikara og gera hann léttari.

Næsta verkefni Baltasars verður kvikmyndin Everest með þeim Josh Brolin, Jake Gyllenhaal, Jason Clarke og John Hawkes.