Scholz syngur Lífið er yndislegt

Stuðningsmannasíða Stjörnunnar, silfurskeid.in, birti í kvöld stórskemmtilegt viðtal við varnarmanninn Alexander Scholz, fyrrum leikmann Stjörnunnar.

Scholz leikur nú með Lokeren í Belgíu en kom til Íslands í sumarfríinu. Hann spjallaði við Silfurskeiðarmenn um hin ýmsu mál sem tengast bæði boltanum og honum sjálfum.

Þar kemur meðal annars fram að hann fylgist enn vel með Pepsi-deildinni og horfir til að mynda á Pepsi-mörkin hér á Vísi.

Hann saknar líka margs frá Íslandi. Allra helst stuðningsmanna Stjörnunnar en líka skyrsins, náttúrunnar og íslensku stelpnanna sem töluðu við hann á dönsku í miðbæ Reykjavíkur um helgar.

Í lok viðtalsins gerir hann sér svo lítið fyrir og syngur Þjóðhátíðarlagið Lífið er yndislegt - vitanlega á íslensku.