Innlent

Þorskurinn of stór fyrir flökunarvélarnar

Stórþorskur er að verða vandamál á þessari vertíð, þar sem flökunarvélar fiskvinnslustöðvanna ráða ekki við þorsk sem er þyngri en sjö kíló.

Nú er algengt að þorskur, sem veiðist vestur af landinu sé um það bil tíu kíló. Á BB fréttavefnum er haft eftir verkstjóra á Þingeyri, að það sárvanti fólk, sem kunni að handflaka, svo leitað hafi verið til gamalla flakara, sem enn kunni handtökin.

Þetta eru mikil umskipti frá því sem var fyrir fáeinum áratugum, að smáþorskur var vandamálið og leiddi meðal annars af sér brottkast.

Mest lesið


Fleiri fréttir

Sjá meira


×

Mest lesið