Faldi byssu í snjó fyrir lögreglumönnum

Lögreglumenn frá Selfossi höfðu afskipti af manni á sjötugs aldri sem grunaður var um rjúpnaveiði í landi Nesja í Grafningi í gær. Þar er veiði alfarið bönnuð. Maðurinn neitaði að hafa verið að veiða rjúpur og sagðist vera úti að viðra hundinn sinn. Ekki fundust vopn né skot á manninum. Þetta kemur fram í dagbók lögreglunnar á Selfossi.

Þegar afskiptum lögreglumannanna að manninum var lokið og hann var lagður af stað frá lögreglumönnunum fundu þeir haglabyssu og skot grafin í sjóinn. Maðurinn hafði þá grafið byssuna og skotin þegar hann sá til lögreglumannanna. Hann var kærður fyrir að hafa verið að ólöglegum veiðum og byssan og skotin voru haldlögð.