Íþróttir þema ljósmyndakeppni

Íþróttir eru þema annarrar ljósmyndakeppni sem Fréttablaðið stendur fyrir í sumar. Vonast er eftir sem fjölbreytilegustu myndum frá þátttakendum en undir íþróttaþema geta fallið myndir frá íþróttamótum barna og fullorðinna, myndir af brennó, badmintonleik úti í garði eða golfi svo fáein dæmi séu tekin. Skilafrestur fyrir íþróttamyndirnar er 18. júlí en myndir skal senda á netfangið Ljosmyndasamkeppni@frettabladid.is.

Besta myndin birtist á forsíðu Fréttablaðsins og höfundur hennar fær einnig tvo farmiða með Wow-air. Í önnur og þriðju verðlaun eru gjafakort í Borgarleikhúsið.

Um síðustu helgi voru úrslit kunngjörð í fyrstu ljósmyndasamkeppni sumarsins. Þemað var útivist og komu fyrstu verðlaun í hlut Tinnu Stefánsdóttur. Fréttablaðið stendur fyrir fjórum ljósmyndasamkeppnum í sumar. Þema hverrar keppni verður kynnt er nær dregur. -sbt