Aukningin 1,3 prósent í maí

Umferð um landið jókst um 1,3 prósent í nýliðnum maímánuði samanborið við sama mánuð í fyrra, samkvæmt mælingum Vegagerðarinnar. Það er mesta aukningin milli mánaða á árinu.

Umferðin hefur nú aukist í þrjá mánuði af þeim fimm sem liðnir eru af árinu, en hefur engu að síður dregist saman um eitt prósent frá sama tímabili í fyrra. Það skýrist einkum af verulegum samdrætti í janúar.

Vegagerðin spáir því nú að umferðin á árinu dragist saman um þrjú prósent og verði svipuð og hún var árið 2005. - bj