Fyrrum alþingismaður vill rýmka áfengislöggjöfina. Hann telur rétt að leyfa mönnum að brugga sitt eigið vín svo lengi sem það er ekki sterkara en 15%. Heimilt væri að bjóða upp á það í matarboðum og veislum en til að selja það þyrfti önnur leyfi.
Guðjón Arnar Kristjánsson, fyrrum þingmaður, kom í viðtal í útvarpsþættinum Reykjavík síðdegis í dag og fjallaði um gildandi áfengislöggjöf. Eins og er hefur almenningur leyfi til að brugga vín heima hjá sér ef það er ekki sterkara en 2,5%, sem er afar lítið. Þrátt fyrir það tíðkast að menn bruggi bjór og annars konar vín og brjóti þar með lög án þess að það hafi nokkrar afleiðingar.
Guðjón lagði á sínum tíma fram frumvarp um að áfengislöggjöfin væri rýmkuð að þessu leyti. Sú hugmynd hlaut ekki brautargengi á þeim tíma.
Enginn hefur tekið við kyndlinum síðan og tillagan hefur ekki verið lögð fram aftur.
Viðtalið við Guðjón má nálgast á tenglinum hér að ofan.
Vill leyfa fólki að brugga sterkara vín
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
