Viðbrögð Grétu og Jónsa - myndband

Gréta Salóme og Jónsi stóðu sig með stakri prýði í forkeppni Eurovision á þriðjudaginn. Þau komust upp úr fyrri riðlinum og keppa fyrir Íslands hönd á laugardaginn í aðalkeppninni sem fer fram í Bakú, höfuðborg Aserbaídjan.

Friðrik Ómar er upplýsingafulltrúi hópsins og þegar íslenski fáninn birtist á skjánum á þriðjudaginn var hann með myndavélina uppi og tók upp viðbrögð þeirra. Í meðfylgjandi myndskeiði má sjá íslenska hópinn fagna gífurlega.

Í kvöld fer fram síðara kvöld forkeppninnar og svo er sjálf aðalkeppnin á laugardaginn.