Fjársvelt lögregla: "Þetta er ekki sniðugt“

„Við höfum áhyggjur af þessu ástandi, það mætti vera sýnilegri lögggæsla en ástandið hefur farið versnandi, sérstaklega síðustu ár," segir Jón G. Valgeirsson, sveitastjóri Hrunamannahrepps á Flúðum, en þar finna íbúar vel fyrir skorti á löggæslu á svæðinu eins og annarsstaðar í umdæmi lögreglunnar á Selfossi, en óhætt er að segja að embættið sé fjársvelt miðað við umfang og stærð umdæmisins. Reykjavík síðdegis ræddi við Jón fyrr í dag.

Þar benti Jón á að svæðið sé að auki vinsælasti ferðamannastaður á Íslandi, hundruð þúsunda ferðamanna fara í gegnum svæðið á hverju ári, sem minnki ekki álagið á lögregluembættið.

„Það er ekki sniðugt að hafa þetta svona," segir Jón en sveitastjórnin hefur þegar óskað eftir fundi með fjárlaganefnd auk þess sem rætt verður við þingmenn kjördæmisins á næstu dögum og vikum.

Hægt er að hlusta á viðtalið við Jón hér.