Náttúruvænna að vera með lifandi jólatré heldur en gervitré

Vangaveltur hafa verið uppi um að það sé náttúruvænna að vera með gervitré heldur en venjulegt tré. Það er þó ekki endilega rétt, því gervitrén eru oft framleidd í Asíu með mjög mengandi hætti og þeim er svo flogið hingað til lands með tilheyrandi mengun.

Það er ekki fyrr en eftir 20 ára notkun sem gervitré verður betri kostur en lifandi tré fyrir umhverfið. Þannig hvetur Umhverfisstofnun almenning til þess að kaupa lifandi tré vilji þeir vera náttúruvænir, og þá helst íslenskt, svo sem stafafuru.

Eins og fram kom í fréttum í dag þá ætlar um rúmlega helmingur landsmanna að vera með gervitré, eða tæplega 52 prósent. Aðeins 39 prósent ætla sér að vera með lifandi jólatré.

Reykjavík síðdegis ræddi við Steinunni Reynisdóttur, deildarstjóra garðyrkjudeildar Garðheima, en hún segir að hugsanlegt bann á innflutningi á normansþin verða til þess að sala á gervitrjám eigi eftir að stóraukast.

Steinunn segir töluverða kúnst að vera með alvöru tré. „Til þess að halda því fersku og fallegu þá skiptir það öllu máli að saga nýtt sár á tréð, saga neðan af því og setja það ofan í sjóðandi heitt vatn," segir hún en þannig opnast allar æðar og tréð verður mun frískara.

Hægt er að hlusta á viðtal við Steinunni hér fyrir ofan, og heimasíðu Umhverfisstofnunnar má finna hér.