Steingrímur: Atvinnuleysið að ná niður í sex prósent

Steingrímur J. Sigfússon, efnahags- og viðskiptaráðherra og formaður VG, býst við því að atvinnuleysið fari niður í sex prósent núna í maí eða júní á sama tíma og íbúatala landsins fari upp í 320 þúsund. Þetta sagði Steingrímur við eldhúsdagsumræður í dag.

Hann sagði að eðlilegt hefði verið að hvetja fólk til náms á meðan atvinnuleysið var sem mest eftir hrun. „Á meðan erfitt er á vinnumarkaði þá hvetjum við ungt fólk og atvinnuleitendur til að mennta sig," sagði Steingrímur.

„Við höfum gengið í gegnum erfiða tíma en við erum hægt og bítandi að sigrast á þeim. Ég óska landsmönnum góðs og gleðilegs sumars. Við eigum það svo sannarlega skilið að það viðri vel og okkur gangi sem flestum besti í haginn," sagði Steingrímur.