Kemur til greina að banna munntóbak

Velferðarráðherra hefur áhyggjur af aukinni munntóbaksnotkun og íhugar að skattleggja það hátt eða hreinlega banna það. Þetta kom fram í kvöldfréttum Ríkisútvarpsins.

Þeir sem nota munntóbak eru helst ungir karlmenn. Guðbjartur Hannesson, velferðarráðherra, hefur miklar áhyggjur af því. Hann bendir á að tóbaksnotkun sé heilbrigðisvandamál á heimsmælikvarða, viðbrögð Íslendinga við reykingum hafi verið til sóma og nú þurfi að skoða hvernig hægt sé að bregðast við þessari hlið vandamálsins.