Út úr vandanum! Bryndís Loftsdóttir skrifar 9. nóvember 2012 06:00 Ég hef ákveðið að gefa kost á mér í prófkjöri Sjálfstæðisflokksins í SV-kjördæmi. Ég tel brýnt að Sjálfstæðisflokkurinn komist aftur í ríkisstjórn og vonast til þess að framboð mitt verði flokknum að gagni. Ég er lærður leikari frá ALRA í London en hef starfað við bóksölu í hart nær 20 ár og hef því nokkra reynslu af viðskiptaumhverfi hér á landi. Ég bý ásamt eiginmanni mínum og þremur börnum á Seltjarnarnesi. Uppbygging atvinnulífsÉg vil taka þátt í að byggja atvinnulífið hér upp að nýju. Markmið fyrirtækjareksturs er að skila arði þegar til langs tíma er litið og það er nákvæmlega það sem ég vil að öll fyrirtæki geri; lifi lengi og skili arði og geti þannig staðið í skilum og greitt starfsmönnum sínum góð laun. Óbeit vinstri manna á hugmyndinni um arðbæran rekstur hlýtur að mega rekja til þekkingarleysis þeirra á vinnumarkaðinum. Varla er það vilji þeirra að starfa hjá fyrirtæki sem rekið er á núlli og getur ekki þróast og staðið undir launahækkunum. Og ekki ætla ég þeim að vilja vinna hjá fyrirtæki sem rekið er með tapi og þarf stöðugt að segja upp starfsfólki. Fyrirtæki sem skila hagnaði eiga að geta tilkynnt það með stolti og uppskorið aðdáun hjá þjóðinni. Ég vil sjá nýtingu auðlinda landsins. Það er brýnt að halda áfram með virkjunarframkvæmdir samkvæmt upprunalegu rammaáætluninni. Óbeisluð orka gefur okkur ekkert í aðra hönd og það er glapræði að tefja fyrir frekari framkvæmdum í þeim geira. SkattheimtaÉg vil taka þátt í að móta framtíðarstefnu í skattamálum og einfalda skattaumhverfið. Á þessu kjörtímabili hefur ríkisstjórninni tekist að rækta upp myndarlegan skattafrumskóg. Svo kröftuglega hefur verið unnið að gerð nýrra skatta og breytinga á eldri sköttum að erfitt er orðið að gera sér grein fyrir fjölda þeirra. Auk þess að flækja rekstrarumhverfi fyrirtækja með þessum hætti þá er þeim jafnframt gert ómögulegt að gera raunhæfar áætlanir til framtíðarinnar því stöðugt er verið að kynna til leiks nýja möguleika á skattheimtu. Auðlegðarskattur (eignaskattur) var endurvakinn af núverandi ríkisstjórn og bundinn í lög til 2014. Þar er enginn greinarmunur gerður á því hvort eignin skili tekjum eða ekki. Auk þess var gengið þannig frá hnútunum að skattleysis-eignarmörkin fara lækkandi til 2014 og skattprósentan hækkandi. Þetta kemur sér illa fyrir þann hóp sem hefur lágar tekjur en á miklar eignir bundnar t.d. í húseign sinni eins og margir eldri borgarar. Hækkandi fasteignagjöld hafa nú þegar aukið álögur þessa hóps umtalsvert samtímis því að greiðslur úr almennu lífeyrissjóðunum hafa verið skertar. Öryggi, menntun og heilsaÉg tel að samræma þurfi lagaheimildir og starfsumhverfi lögreglunnar til jafns við það sem tíðkast í nágrannalöndum okkar. Forvarnir mega ekki sitja á hakanum því betra er heilt en gróið. Ég vil sporna gegn brottfalli nemenda á framhaldsskólastigi og tel styttingu náms fyrir háskólastig æskilega. Einnig þarf að einfalda flutning nemenda af grunnskólastigi yfir á framhaldsskólastig. Nemendur með háar einkunnir komast í þá framhaldsskóla sem þeir óska en aðrir upplifa höfnun og streitu við að reyna að finna skóla sem tekur við þeim. Þetta er sá hópur nemenda sem mest þarf á hvatningu til náms að halda en verður verst úti í þessum skólaskiptum. Ég vil að tekið verði á brotalömum í heilbrigðiskerfinu. Ganga þarf frá samningi við tannlækna vegna tannviðgerða barna, stytta biðlista Greiningarstöðvar og BUGL og tryggja gott starfsumhverfi fyrir lækna og hjúkrunarfólk. Að lokum vil ég nefna að ég er ekki hlynnt inngöngu í Evrópusambandið á meðan ekki er ljóst hvert stefnir þar. Viltu birta grein á Vísi? Sendu okkur póst. Senda grein Mest lesið Halldór 18.05.2024 Halldór Halla Hrund eða Katrín? Reynir Böðvarsson Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun Er klassískt frjálslyndi orðið að jaðarskoðun? Kári Allansson Skoðun Góð gildi og staðfesta Höllu Hrundar Margrét Reynisdóttir Skoðun Kynhluthlaust mál, máltilfinning og forsetaframboð Höskuldur Þráinsson Skoðun Forseti Íslands veifaði mér Fjóla Einarsdóttir Skoðun Þegar ég heyri nafnið Katrín Jakobsdóttir Hans Alexander Margrétarson Hansen Skoðun Til áréttingar Kári Stefánsson Skoðun Ákall til framtíðar: Nám í félagsráðgjöf! Steinunn Bergmann Skoðun Skoðun Skoðun Hvaða eiginleika þarf forseti að hafa? Hildur Eir Bolladóttir skrifar Skoðun Þegar ég heyri nafnið Katrín Jakobsdóttir Hans Alexander Margrétarson Hansen skrifar Skoðun Í framhaldi af viðtali við Helgu Þórisdóttur Kári Stefánsson skrifar Skoðun Góð gildi og staðfesta Höllu Hrundar Margrét Reynisdóttir skrifar Skoðun Halla Hrund eða Katrín? Reynir Böðvarsson skrifar Skoðun Til áréttingar Kári Stefánsson skrifar Skoðun Kynhluthlaust mál, máltilfinning og forsetaframboð Höskuldur Þráinsson skrifar Skoðun Er klassískt frjálslyndi orðið að jaðarskoðun? Kári Allansson skrifar Skoðun Forseti Íslands veifaði mér Fjóla Einarsdóttir skrifar Skoðun Ákall til framtíðar: Nám í félagsráðgjöf! Steinunn Bergmann skrifar Skoðun Lexía lærð á hálfum degi Stefanía Arnardóttir skrifar Skoðun Ég kýs Helgu Þórisdóttur Gerður Rún Guðlaugsdóttir skrifar Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar Skoðun Formaður húsfélagsins Guðmundur Andri Thorsson skrifar Skoðun Opið bréf til landsliðsmanna Íslands í blaki Guðbergur Egill Eyjólfsson skrifar Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar Skoðun Kosningum frestað Ása Berglind Hjálmarsdóttir,Hrönn Guðmundsdóttir skrifar Skoðun Mesti stjórnmálamaðurinn? Hjörtur J. Guðmundsson skrifar Skoðun Birni Bjarnasyni svarað Arnar Þór Jónsson skrifar Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar Skoðun Baldur Þórhallsson er vitur og vís Bryndís Friðgeirsdóttir skrifar Skoðun Kjósum Katrínu Kjartan Ragnarsson skrifar Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Sjá meira
Ég hef ákveðið að gefa kost á mér í prófkjöri Sjálfstæðisflokksins í SV-kjördæmi. Ég tel brýnt að Sjálfstæðisflokkurinn komist aftur í ríkisstjórn og vonast til þess að framboð mitt verði flokknum að gagni. Ég er lærður leikari frá ALRA í London en hef starfað við bóksölu í hart nær 20 ár og hef því nokkra reynslu af viðskiptaumhverfi hér á landi. Ég bý ásamt eiginmanni mínum og þremur börnum á Seltjarnarnesi. Uppbygging atvinnulífsÉg vil taka þátt í að byggja atvinnulífið hér upp að nýju. Markmið fyrirtækjareksturs er að skila arði þegar til langs tíma er litið og það er nákvæmlega það sem ég vil að öll fyrirtæki geri; lifi lengi og skili arði og geti þannig staðið í skilum og greitt starfsmönnum sínum góð laun. Óbeit vinstri manna á hugmyndinni um arðbæran rekstur hlýtur að mega rekja til þekkingarleysis þeirra á vinnumarkaðinum. Varla er það vilji þeirra að starfa hjá fyrirtæki sem rekið er á núlli og getur ekki þróast og staðið undir launahækkunum. Og ekki ætla ég þeim að vilja vinna hjá fyrirtæki sem rekið er með tapi og þarf stöðugt að segja upp starfsfólki. Fyrirtæki sem skila hagnaði eiga að geta tilkynnt það með stolti og uppskorið aðdáun hjá þjóðinni. Ég vil sjá nýtingu auðlinda landsins. Það er brýnt að halda áfram með virkjunarframkvæmdir samkvæmt upprunalegu rammaáætluninni. Óbeisluð orka gefur okkur ekkert í aðra hönd og það er glapræði að tefja fyrir frekari framkvæmdum í þeim geira. SkattheimtaÉg vil taka þátt í að móta framtíðarstefnu í skattamálum og einfalda skattaumhverfið. Á þessu kjörtímabili hefur ríkisstjórninni tekist að rækta upp myndarlegan skattafrumskóg. Svo kröftuglega hefur verið unnið að gerð nýrra skatta og breytinga á eldri sköttum að erfitt er orðið að gera sér grein fyrir fjölda þeirra. Auk þess að flækja rekstrarumhverfi fyrirtækja með þessum hætti þá er þeim jafnframt gert ómögulegt að gera raunhæfar áætlanir til framtíðarinnar því stöðugt er verið að kynna til leiks nýja möguleika á skattheimtu. Auðlegðarskattur (eignaskattur) var endurvakinn af núverandi ríkisstjórn og bundinn í lög til 2014. Þar er enginn greinarmunur gerður á því hvort eignin skili tekjum eða ekki. Auk þess var gengið þannig frá hnútunum að skattleysis-eignarmörkin fara lækkandi til 2014 og skattprósentan hækkandi. Þetta kemur sér illa fyrir þann hóp sem hefur lágar tekjur en á miklar eignir bundnar t.d. í húseign sinni eins og margir eldri borgarar. Hækkandi fasteignagjöld hafa nú þegar aukið álögur þessa hóps umtalsvert samtímis því að greiðslur úr almennu lífeyrissjóðunum hafa verið skertar. Öryggi, menntun og heilsaÉg tel að samræma þurfi lagaheimildir og starfsumhverfi lögreglunnar til jafns við það sem tíðkast í nágrannalöndum okkar. Forvarnir mega ekki sitja á hakanum því betra er heilt en gróið. Ég vil sporna gegn brottfalli nemenda á framhaldsskólastigi og tel styttingu náms fyrir háskólastig æskilega. Einnig þarf að einfalda flutning nemenda af grunnskólastigi yfir á framhaldsskólastig. Nemendur með háar einkunnir komast í þá framhaldsskóla sem þeir óska en aðrir upplifa höfnun og streitu við að reyna að finna skóla sem tekur við þeim. Þetta er sá hópur nemenda sem mest þarf á hvatningu til náms að halda en verður verst úti í þessum skólaskiptum. Ég vil að tekið verði á brotalömum í heilbrigðiskerfinu. Ganga þarf frá samningi við tannlækna vegna tannviðgerða barna, stytta biðlista Greiningarstöðvar og BUGL og tryggja gott starfsumhverfi fyrir lækna og hjúkrunarfólk. Að lokum vil ég nefna að ég er ekki hlynnt inngöngu í Evrópusambandið á meðan ekki er ljóst hvert stefnir þar.
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun
Skoðun Yfirborðskenndur stríðsáróður og McCarthýismi hjá háskólaprófessor Tjörvi Schiöth skrifar
Skoðun Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt skrifar
Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Ef þú kýst Höllu Tómasdóttur eða Jón Gnarr gætirðu verið að kjósa Katrínu! Ole Anton Bieltvedt Skoðun