Heitavatnslaust í hluta Grafarvogs í allan dag

Heitavatnslaust verður frá klukkan átta í dag og fram á kvöld í hluta Grafarvogs. Viðgerð mun standa yfir í Hamrahverfi og hluta Húsa- og Foldahverfis.

Stofnæð i hverfinu bilaði og verður vinnan því nokkuð umfangsmikil. Hægt verður að fylgjast með hvernig viðgerðin gengur á vef Orkuveitunnar.

Fólki er bent á að hafa skrúfað fyrir alla heitavatnskrana til að draga úr hættu á slysum eða tjóni þegar vatnið kemst á að nýju. Ráðlegt er að hafa glugga lokaða og útidyr ekki opnar lengur en þörf krefur til að koma í veg fyrir að það kólni innandyra.