Skólavörðustígur verður göngugata lengur

Skólavörðustígur frá Bergstaðastræti niður að Laugavegi verður göngugata viku lengur en upphaflega stóð til, eða til mánudagsins 27. ágúst. Ástæðan er mikil ánægja rekstraraðila við Skólavörðustíg með fyrirkomulagið, segir tilkynningu frá Reykjavíkurborg.

Til stóð að þeir kaflar Skólavörðustígs og Laugavegs sem hafa verið sumargötur yrðu opnaðir aftur fyrir bílum eftir Menningarnótt, mánudaginn 20. ágúst. Rekstraraðilar hafa hins vegar farið fram á að gatan verði lokuð fyrir bílum lengur. Borgaryfirvöld hafa orðið við þeirri beiðni.