Vill eftirlit eftir afplánun

Ögmundur Jónasson segir í aðsendri grein til DV að eftirlit með dæmdum mönnum geti verið nauðsynlegt eftir afplánun. Hann stefnir á að leggja fram frumvarp um málið á haustþingi.

Í frumvarpsdrögunum er sérstaklega fjallað um úrræði sem beita mætti ef einstaklingur hefur gerst sekur um alvarlegt kynferðisbrot gegn börnum og skýrar vísbendingar lægju fyrir um að afbrotamaðurinn myndi halda uppteknum hætti eftir afplánun.

Samkvæmt drögunum myndi dómstóll kveða á um hvort beita mætti þessum öryggisúrræðum. - ktg