Hættustigi lýst yfir á stórum hluta landsins

Hættustigi hefur verið lýst yfir á öllu vestan- og norðanverðu landinu vegna óveðurs sem spáð hefur verið. Hættuástandið gildir allt frá Selfossi og Suðurnesjum til Húsavíkur.

Búast má við miklu óveðri og ófærð auk þess sem stórstreymt er í fyrramálið og getur veðrið haft áhrif á sjávarhæð. Við þessar aðstæður má einnig búast við ísingu á raflínum.

Skilgreining á hættustigi almannavarna:

Ef hættumat leiðir í ljós að hætta fer vaxandi verður að grípa til tafarlausra ráðstafana til að tryggja sem best öryggi þeirra sem á svæðinu búa/dvelja. Slíkt er gert með því að efla viðbúnað neyðar- og öryggisþjónustunnar á viðkomandi svæði, ásamt því að grípa til fyrirbyggjandi aðgerða s.s. rýmingar, brottflutnings eða lokunar svæða. Einnig eru leiðbeiningar og viðvaranir einkennandi fyrir þetta stig.

Hættustigið gildir á Selfossi, Suðurnesjum, höfuðborgarsvæðinu, Akranesi, Borgarfirði og Dölum, Snæfellsnesi, Vestfjörðum, Blönduósi, Sauðárkróki, Akureyri og Húsavík.