Funda stíft um stöðu Íbúðalánasjóðs um helgina

Ríkisstjórn Íslands mun fjalla sérstaklega um stöðu Íbúðalánasjóðs um helgina og ákveða næstu skref, en ekki liggur enn fyrir hversu mikla peninga ríkissjóður þarf að leggja í sjóðinn, til þess að rétta af slaka stöðu hans.

Þá eru ýmis mál sem tengjast sjóðnum beint og óbeint, sem ríkisstjórnin mun þurfa að taka afstöðu til, má þar nefna vanda er tengist dvalarheimilinu EIR, þar sem Íbúðalánasjóðurinn hefur milljarða hagsmuna að gæta, sem ríkissjóður er í ábyrgðum fyrir.

„Við tókum fyrstu umferð á umræðuna í dag á ríkisstjórnafundi og tókum við skilaboðum frá nefnd sem hefur verið að vinna að þessu máli fyrir okkur," segir Katrín Júlíusdóttir. Hún vildi annars ekkert tjá sig um málið fyrr en eftir helgi.

„En það er alveg ljóst að við munum standa við bakið á Íbúðalánasjóði nú eftir sme hingað til," segir hún.