Ögmundur hvetur Obama til þess að stöðva blóðbaðið

Ögmundur Jónsson innanríkisráðherra tók þátt fjölmennum mótmælum við bandaríska sendiráðið síðdegis í dag sem félagið Ísland-Palestína skipulagði. Hann krefst þess að Bandaríkjamenn stöðvi blóðbaðið á Gaza en talið er að um þúsund manns hafi mótmælt árásum Ísraela í Palestínu.

Yfir eitt hundrað hafa látist síðan loftárásir Ísraeal á Gaza strönd hófust síðastliðinn miðvikudag.

Félagið Ísland-Palestína stóð fyrir mótmælafundi klukkan fimm síðdegis fyrir framan sendiráð Bandaríkjanna á Laufásvegi, en félagið krefst þess að Bandaríkjamenn, með Obama forseta í fararbroddi, stöðvi fjöldamorðin í Palestínu. Ögmundur Jónasson, innanríkisráðherra var meðal mótmælenda.

Meðal þátttakenda voru Árni Þór Sigurðsson, formaður utanríkismálanefndar, sem vill skoða að Ísland slíti stjórnmálasambandi við Ísrael og Ögmundur Jónasson innanríkisráðherra.

Í ræðu Ögmundar hvatti hann Barack Obama til þess að stöðva blóðbaðið eins og hann orðaði það sjálfur í ræðu sinni.