Jóhanna hættir og Karl Ágúst smellir af sér brjóstahaldaranum

„Það er mikill söknuður í því að sjá Jóhönnu fara og ég sé fram á að fá færri tækifæri í kjölfarið á þessu." Þetta sagði leikarinn Karl Ágúst Úlfsson í samtali við Reykjavík síðdegis á Bylgjunni í dag. Til margra ára hefur Karl brugðið sér í hlutverk fráfarandi forsætisráðherra.

„Samt sem áður verð ég að viðurkenna það að ég mun ekki sakna hárkollunnar og brjóstahaldarans."

Karl segist ekki vita hvort að Jóhanna hafi verið sátt með túlkun hans í gegnum tíðina. Áhrifamenn í íslensku samfélagi eru þó oft á tíðum ánægðir með að koma birtast á sjónvarpsskjám landsmanna á laugardögum.

„Stjórnmálamenn er oft á tíðum ánægðir með að vera teknir fyrir í Spaugstofunni. Þetta þykir mikill heiður — vafasamur heiður það er að segja."

Hægt er að hlusta á viðtalið við Karl Ágúst í heild sinni hér fyrir ofan.