Tólf látnir eftir storm í Bandaríkjunum

Að minnsta kosti tólf eru látnir og yfir þrjár milljónir heimila og fyrirtækja eru án rafmagns í norðvesturhluta Bandaríkjanna eftir öflugan fellibyl sem gekk þar yfir. Neyðarástandi hefur verið lýst yfir í Washington, Ohio og Virginíu vegna mikilla skemmda og hefur Barack Obama, forseti Bandaríkjanna, heitið skjótri hjálp.

Búist er við að rafmagn komist ekki á fyrr en eftir um viku á nokkrum svæðum og veldur það mörgum áhyggjum þar mikill hiti fylgdi ofsaveðrinu og íbúar sjá þar af leiðandi ekki fram á að geta nýtt rafmagnstæki til að kæla sig niður innandyra.