Gordon spilar ekki með Bretum á Ólympíuleikunum

Það er nú ljóst að NBA-leikmaðurinn Ben Gordon mun ekki spila með breska landsliðniu á Ólympíuleikunum í Lundúnum sem hefjast síðar í mánuðinum.

Gordon er fæddur í Lundúnum en hefur aldrei afrekað að spila með landsliðinu þrátt fyrir að hafa verið ítrekað valinn í landsliðshópinn síðan 2008.

Breska liðið er nú að æfa í Bandaríkjunum en Gordon mætti ekki til æfinga á tilsettum tíma. Í síðustu viku var honum skipt frá Detroit Pitsons til Charlotte Bobcats og sagði landsliðsþjálfarinna Chris Spice að hann gæti ekki gefið sér tíma fyrir landsliðið af þeim sökum.

„Það er synd og skömm því hann er heimsklassaleikmaður sem hefði getað breytt miklu fyrir okkar lið."

Luol Deng mun spila með Bretum á leikunum en ekki Byron Mullens, sem er meiddur. Deng yrði því eini NBA-leikmaðurinn í breska landsliðinu.